5 E 70/22, 22 décembre 1610.

Le vingt deuxiesme jour de décembre mil six cent dix, avant midy,Devant nous, Charles Renou, notaire royal à Angers, ont esté présans, personnellement establiz honneste homme Pierre Breteau, sieur des Landes Me orfèvre demeurant à Angers, d’une part, et René Chaintrier et Jehan Delaunay, charpentiers, demeurant à Angers, duement soubmiz, etc.

Confessent avoir fait et accordé le marché et convention qui s’ensuit. C’est ascavoir que lesdits Chaintrier et Delaunay ont promis et promettent à leurs coutz et despans abattre tout et tel nombre de chesnes et fresnes que ledit Breteau voudra faire abattre audit lieu des Landes où ilz les ont veus et que ledit Breteau leur montrera, et commenenceront à abattre ceux qui leur ont esté montrez en la coullée, quel abat ilz commenceront demain et continueront. Et estant lesdits chesnes abatuz, les metteront lesdits Chaintrier et Delaunay en charpente de [poutreaux], chevrons, solliveaux et coulombaige, des longueurs desdits chesnes et des espayseurs, scavoir le solliveau de IX poulces en ung sans et sept en l’aultre, les chevrons de cinq poulces en caré, et le pied de quatre poulces, et la poutre, les tirans et aultres cherpentes et coulombaige des espayseurs ordinnaires. Pour les poutreaux seront de la grosseur qu’ilz en trouveront en chesne. Syeront et fassonneront lesdites charpentes bien et duement et commenczeront à travailler incontinant après l’abat fait et continueront jusques à ce qu’ilz ayent parachevé. Et est ce fait pour en payer et bailler par ledit Breteau auxdits Chaintrier et Delaunay, scavoir pour chacun millier de piedz qui se trouveront en touttes lesdites charpentes la somme de dix-livres à comter cent quatre pour cent et dix cent par millier, payables en travaillant auxdites cherpentes, et icelles faictes fin de payement, et pour les branchaiges qui s’y trouveront esdits chesnes lesdits Chaintrier et Delaunayles laysseront sur la place. Et pour les couppeaux sortant hors de soubz la hache lesdits cherpentiers les auront et prenderont. Tout ce que dessus stipullé par les parties dont ilz […] desclarez d’acord au terme de garder domaige, intérêtz, obligent les parties respectivement leurs biens et lesdits Chaintriers et Delaunay, eux et chacun d’eulx seul et pour le tout, sans division de personne ne de biens, leurs hoirs, leurs biens, leurs corps à tenir prison etc, au bénéfice, promettent, de [posterioritté], [...], faict à Angers, [...] le sieur Pierre Fresnay, marchand [greg….], tesmoing demeurant à Angers, […] lesdits cherpentiers ont dit ne scavoir signer. Gloze : coulombaige.

Frenay. Pierre Breteau. Demarie. Renou.