Transcription d'Emmanuel de Crouy-Chanel.

Icy sont comparuz en la cause d'appel et en la cause depuis d'actemptas et feront leurs faiz et l'enqueste faicte et rapportee la court fera droit et leve la sentence ; la court ordonera de la personne du prevost ; depuis ledit prevost est receus par procureur jusques a ce que par la court en soit autrement ordené

- Entre messire Jehan de Loge, seigneur du Bois-Thibaut, appellant appellant d'une part ; et messire Robert de Vendosme, seigneur de Lassay, d'autre part. Messire Jehan dit qu'il est chevalier et a belle terre et tient son fief de Lassay et tient ses terres bien noblement en toute justice haute, moienne et basse et demeure a Bois Thibaut et non a lege et n'est point contribuable aux reparations du chastel de Lessay, et n'est que une petite tour ou il ne pourroit que vi personnes ; dit que pieça on le volt commindre a contribuer aux dites repparations. Il se opposa et on se deporta et fut lessez en pais ; après un sergent du commandement du chastellain saisit toute la terre de messire Jehan, son procureur se opposa, il ne fut point receus a opposicion et en ce il estoit grevez car on ne li deman doit que xiii livres et xiii s. et on mectoit sa terre toute en la main de messire Robert, et si offroit biens muebles, et le sergent ne se volt deporter ; pour ce le procureur de messire Jehan se trahy devers le chastellain et requist comme dessus et qui fust receus a opposition ; pour ce que ne fut pas receus, il appella ; dit que par la coustume du pays on ne doit saisir la terre d'aucun vassal se il a biens muebles ; dit encore que par la coustume quant la terre d'ung vassal est saisie et après la main en est levee, on ne doit plus ressaisir pour ce mesmes cas, et quant le seigneur saisist la terre de son vassal pour autre cause que pour son domaine il doit recroue salve au vassal en baillant pleges et le chastellain en a esté refusans ; dit que depuis l'appel Jehan Julyart, prevost de messire Robert, s'est efforciez d'avoir la cognoissance sus Guillaume Le Marchant et sus Jehan Belin et a p(ri)ns sus pertians conclut en cause d'appel : mal fait, mal respondu, mal refusé et bien appellé, que les actemptas soient reparez et en yceulx reparant a amande honor(able) et profitable selond la discretion de la court, a domaiges intérès et despens et rescript que a messire Jehan l'amande de telle amande que la coustume du pays le rescript, c'est assavoir d'avoir perdu son heritage

- Le procureur du roy conclut es actemptas contre Julyart que les diz actemptas soient reparez et amande au roy telle qu'il appartient

- Messire Robert dit que Lassey est chastellenie, ancienne forteresse et chastel, et a cause d'icelluy a plusieurs

vassaulx sur lesquels il prant certaines rentes, et doublent aucunes foix, c'est assavoir pour les reparations de

son chastel une foix en sa vie et l'autre quant son aisné fils est fait chevalier, et ont tous les autres vassaulx payé mais il a xx ans que messire Robert ne pot chevir de messire Jehan pour les clameurs qu'il ait faictes au

seigneur souverain, pour lesquelles il est exempt par la coustume du pays ; dit que nagaires il a fait rappareiller

son chastel et y a bien despendu la somme de mil et vc frans ; pour ce que messire Jehan ne volt payé, du commandement, de messire Robert, Robert Herisse, son sergent, saisit la terre de messire Jehan et la mist en la main de messire Robert par la manière que la coustume du pays le requeroit ; dit que pour les debtes d'un seigneur il puet saisir la terre de son vassal et la mectre en sa main et en lever les fruis ; dit que messire Jehan ou son procureur vint au chastellain qui n'avoit riens fait en ceste matiere et ne ly offri aucuns pleges ; le chastellain ly dist qu'il alast au bailli ; messire Jehan ou son procureur le volt mener au Bois Thibaut et le chastellain lui respondit que c'estoit trop loing et qu'il y avoit lieue et demie et que le landemain il y envoyrait un sergent et tantost messire Jehan ou son procureur appella ; dit que le chastellain n'avoit point de puissance de pourveoir a messire Jehan, si n'avoit cause de soy trahué devers lui, et n'a point de justice, par consequent il ne fait a recevoir comme appellant ; et dit que les coustumes proposees par partie adverse ne sont pas recevables, et se autrefoix messire Robert a mis sa main en la terre de messire Jehan et l'en a levee et osté pour la rente de xiii fr. xiii s. et maintenant elle y a esté mise pour autre cause, c'est assavoir pour la rente qui double pour la reffection du chastel de Lessay, par la prinse et position dont cy dessus est faicte mencion ; quant aux actemptas, dit messire Robert qu'il n'y a jour ne terme ;

[] - dit Jehan Julyart son prevost que messire Jehan n'a pas appellé de luy mais du chastellain, par consequent on ne puet dire que Julyart ait actempté ; quant aux cas particuliers, dit que Guillaume Marchant menoit une queue de vin par le peaige de messire Robert senz payer son trasvers et Belin certains juracons, et pour ce le prevost les arresta et le povoit faire, et doibt messire Robert declarer a cause de quelle justice Marchant et Belin sont ses subgez et ano(m)m(en)t ne fait a recevoir car en parlent sy generaulment il oste la deffense de Julyart, et en verité messire Jehan n'a que basse justice en la ville ou demeure Marchant, de laquelle il n'est pas exempt, et en la ville ou demeure Belin n'a point de justice mais compete et appartient a messire Jehan de Craon et es cas ou nous sommes messire Jehan ne ses subgés ne sont point exempt de messire Robert ne de ses juges et officiers et deussent Marchant et Belin avoir allegué ceste exemption devant le prevost qui riens ne savoit de l'appel, par quoy eiur on ne pouvoit dire qu'il eust actempté ; conclut que messire Jehan et le procureur du roy ne fucent a recevoir, c'est assavoir messire Jehan comme appellant, et se il faisoit qu'il ait mal appellé, ne fucent au roy a recevoir messire Jehan et le procureur du roy ; quant aux actemptas n'aient cause ne action a fin d'absolution et a despens

- Messire Jehan replique et dit que quant il convenra parler du principal il dira que ne doit point la rente et qu'il a payé par l'espace de xxx ans ; quant a la cause d'appel dit autel que dessus et que le sergent saisit sa terre du commandement du chastellain et n'a pas a songer se ce fut du commandement du seigneur mais devoit seulement advertir a ce que le sergent lui disoit, et touteffoix que la terre est saisie par quelque auctorité il souffist aller au chastellain requerir la delivrance par la coustume, et dit que le chastellain a justice ; quant a la fin de non recevoir dit que ses coustumes sont recevables, et nous veons que s'aucuns intante voye de action il ne puet après proceder par voye de peticion, s'aucuns aussy en cas criminel mect aucun en procès extraordinaire il ne puet retorner a procès ordinaire ; quant aux actemptas, dit que puisques messire Jehan a appellé ceans qui est court souveraine il est en tous cas exemps de messire Robert et de ses juges et officiers et est la raison car messire Robert est acharnez en cause d'appel et n'a point desadvoué son chastellain mais l'advoue, et payeroit l'amande messire Robert se il estoit dit bien appellé, et quant aucuns appelle ceans d'un seigneur il est exempt de toute sa justice domaniere quelque part qu'elle soit en ce royaume, et ne povoit le prevost tenir aucune interdiction sus Marchant et Belin subgez de messire Robert obstant l'exemption par appel, et dit messire Jehan qu'il a haulte justice, moienne et basse en tous ses fiefs et demander travers est de basse justice, et dit que Belin est son escuyer ; a ce respond aux raisons de partie adverse ; conclut que face a recevoir comme appellant et faire conclusion sus les actemptas et autrement, comme dessus a dit, que depuis l'appel \messire Robert doit requis ceans pour justice et ses subgez.

- Le procureur du roy replique que quant aucuns appelle ceans, pour ce que c'est court souveraine, il est exempt du seigneur du quel il a appellé o de ses juges et officiers quelconques ; dit que messire Jehan a appellé du chastellain de messire Robert, lequel chastellain represente messire Robert son maistre et que ne l'a pas desadvoué ne ne povoit et a messire Jehan relevé son appel contre messire Robert, par consequent messire Jehan et ses subgez sont exemps de messire Robert, de son chastellain et de tous ses autres juges et officiers, par consequent ce que le prevost a fait est actemptas ; au moins, supposé que ne fust pas amandable, doit il estre reparé.

- Messire Robert duplique et dit que le chastellain n'a point de juridiction et ne fait a recevoir messire Jehan avoir appellé du chastellain, et ne vault se sa terre ly a esté delivree car ce n'a pas esté partie oyes et a esté depuis saisie pour autre cause, comme dit est ; quant a l'amande se il avoit mal appellé, dit que par la coustume du pays il devoit perdre son heritage et de ce il se rapporte a la discretion de la court ; dit oultre que quant le vassal denye a son seigneur la rente que lui doit, il pert son heritage par la coustume du pays ; or dit il que messire Jehan en replicant a dit que ne doit riens a messire Robert, sy en demande lectre afin que s'en puisse ayder quant bon lui samblera ; quant aux actemptas, dit Julyart, prevost de messire Robert, que jusques a aujourduy on ne puet dire que en ceste maniere ait actemptas, car comme a esté plaidoyé on ne savoit se messire Robert advoeroit son chastellain ou non et mesmement que il n'estoit pas appellé du prevost mais du chastellain ; dit que Marchant et Belin ne puent estre subgez de messire Jehan que a cause d'aucune terre et il ne la prise pas la tene et en ce il rest la deffense de Julyart si ne fait a recevoir et dit que Belin demeure en la terre de messire Jehan de Craon, et se messire Robert eust voulu faire demande de x ou de xx livres contre messire Jehan ou aucun de ses subgez, ce que dit partie adverse de devoir ceans requerir bon juge eust couleur mais que les officiers de messire Robert ne puissent arrester ceux qui ne payent pas leur trasvers en passant par son passaige, obstant bon appel, n'est pas recevable car c'est cas de present meffait, et mesmement que le prevost n'a fait que arrester et recroue les biens en recevant caution et n'a point tenu de cognoissance de cause ne de juridiction sus Marchant et Belin que messire Jehan dit ses subgez et encore mesmement que partie adverse ne dit pas que Marchant et Belin proposassent devant le prevost que fussent subgez de messire Jehan ; conclut Julyart comme dessus ; appoincté est que les parties sont a recevoir en la cause d'appel et sont querri si feront leurs faiz, et l'enqueste faicte et rapportee la court fera droit ; quant aux actemptas les parties demeurent en arrest aux fins plaidoyez

Transcription : Emmanuel de Crouy-Chanel ; Marion Seure.

Entre messire Jehan de Vendosme, vidame de Chartres et seigneur de Lassay, appellant de Guillaume Truillot, sergent royal, en deux cause, du bailli de Touraine ou son lieutenant, de Robin Bourdon, sergent royal, et de Alain de La Croix, commissaire a la court de ceans, et Jehan Poisson, en son nom, appellant de Guillaume Champron, sergent royal et defendeur en cas d'exces et d'attemptat, d'une part, et les manans et habitans de Lassay, intimez et demandeurs esd. cas, d'autre part.

Champron dit que messire Jehan de Vendosme est grand et notable seigneur, lequel tient en ce royaume plusieurs belles et grans seigneuries et entre autres la seigneurie et chastellenie de Lassay qui est belle et grant seigneurie, laquelle en l'an iiiic xvii fut demolie et abatue par les Angloiz qui y misdrent le siege combien qu'elle fut forte, situee entre deux roux et environnee de deux estans, laquelle avoit a son entree deux gros portaux et six autres grosses tours, par avant la demolicion les habitans avoient acoustumé de faire guet et garde, ce qui a esté de laissé par aucun temps au moien de lad. demolicion, et place avanta-geuse et près de la mer de xii ou xiiii lieues ; dit que apres la reddicion des pais de Normandie et du Maine le roy trespassé donna congié a messire Jehan de Vendosme de rediffier Lassay, actendue la situation, le-quel y a despendu de IX a X mil francs et furent les murs eslevez et faictes plusieurs chambres, et ordonna le roy, lui estant a Chasteau Regnault, que les habitans de chacune chastellenie feroient le guet ou paie-roient certain argent, bailla lettre selon l'ordonnance pour contraindre les habitans qui furent adrecees au bailli de Touraine qui trouva que les habitans y devoient faire guet, pour ce bailla son executoire, au moien de laquelle Jehan Cleteau voult contraindre les habitans a faire guet ou paier argent, dont ilz appellerent. Dit que ung nommé Pierre Rebours qui tout son temps a suivy la guerre et tenu le party des Angloiz, qui est homme qui ne scet riens faire, a seduit lesd. habitans de non faire guet audit lieu de Lassay, a faict monopole avec eulx et s'est fait constituer leur procureur sans le congié du roy ne dudit de Vendosme, a tiré a luy les parroisses de Tubeuf, Melley, Saint Martin du Bois et autres, mais au regart de Lassay et autres parroisses, ilz aimerent mieulx de paier et faire le guet que de plaider a leur seigneur. Dit que Re-bours au moien de sa procuration obtient lettres du roy et donne a entendre que a Lassay il n'y a place forte, ne lieu pour faire guet, et par icelle est mandé au bailli de Touraine que s'il luy appert que a Lassay il n'y ait place pour faire guet, il face tenir quicte lesd. habitans de faire guet ; et bailla son executoire a Guil-laume Truillot, qui s'informe par ceulx qui font les poursuictes, et rapporte son inspection par devers led. bailli, lequel après qu'il la veue lad. inspection ordonne que defenses seront faictes aux officiers de Lassay que doresnavant ils tiennent quictes lesd. habitans de faire ledit guet et que les biens et gaiges desd. habi-tans leur soient renduz, en consignant les sommes pour lesquelles ilz sont tenuz. Led. bailli bailla sa com-mission audit Truillot qui se transporta par devers le capitaine de Lassay et Jehan Poisson, ausquelz il fit commandement de rendre lesd. gaiges et tenir quictes lesd. habitans de Lassay de faire guet, mais ilz s'opposerent disant qu'ilz devoient faire les commandemens a ceulx qui avoient les gaiges et a ceste cause ledit Truillot leur assigna jour par devant led. bailli de Touraine qui depuis appoincta que lesd. gaiges se-roient renduz en consignant les sommes pour lesquelles ilz estoient detenuz, bailla sa commission audit Truillot qui derechef se transporta par devers Poisson et lui fit commandement de rendre lesd. gaiges, qui repondit qu'on se devoit adrecer a ceulx qui les avoient ; par ce led. Truillot saisy la terre de Lassay en la main du roy, dont Vendosme appella, non obstant lequel appel il fut assigné jour par devant ledit bailli audit Vendosme mais Gaudeau, lieutenant particulier dudit bailli appoincta que en baillant caution par lesd. habitans, leurs biens leur seroient renduz dont le vidame appela et neantmoins Gaudeau bailla sa commission aud. Truillot qui fit commandement a Poisson de rendre lesd. biens, qui respondit qu'ilz n'estoient en sa puissance, et non obstant led. Truillot voult contraindre Poisson a rendre lesd. biens par prise de la terre de Lassay en la main du roy et par prise des biens dud. Poisson sans premierement consi-gner dont il appela tant dud. Goudeau que sergent ; depuis lesd. habitans ont donné lettres par lesquelles estoit mandé mectre a execucion l'appoinctement du bailli de Touraine non obstant l'appel, furent pre-sentees a Robin Bourdon qui s'efforça a mectre a execution lesd. lettres et contraindre Vendosme sans consigner, dont Vendosme appela ceans. Dit que depuis au moien d'une requeste baillé par les habitans a la court a esté appoincté par lad. court que les gaiges seroient renduz ausd. habitans en consignant les sommes qu'on demandoit, auquel appoinctement a esté obey ; depuis Champron fit commandement a Poisson de rendre les gaiges qui dit que estoient en main tierce mais, ce non obstant, Rebours et Cham-pron saisirent les biens de Poisson qui s'opposa, non obstant laquelle opposition furent commis commis-saire au gouvernement des biens dud. Poisson, dont il appela ; depuis lesd. habitans baillerent requeste a la court qui ordonna que l'appoinctement de la court premier soit executé ; les lettres furent baillees a Alain de la Croix qui se transporta en l'ostel de Poisson et mict ses biens en la main du roy, rompit les coffres de Poisson, rompit les coffres de Poisson et transporta ses biens hors l'ostel et saisy la terre de Lassay en la main du roy et ne y voult commectre commissaire dont Poisson appella pour chertas et depuis Poisson a esté adjourné a comparoir ceans en personne, si combien qu'il a esté mal semoncié par le bailli de Touraine ou son lieutenant, et exploicté par les sergens et bien appellé par Vandosme et Poisson, demande provision de faire le guet et provision de la personne de Poisson, offre prouver et demande despens.

A demain le demourant.

Extraits en lien avec l'histoire du château

[f. 48v] juin 1470 :

Sur ce que Habret Landry estoit accusé par cieux sieurs que l'on disoit contre lui qu'il s'estoit ensaisiné sur tenement de certaines pieces de fil chez un nommé Plauczon a Villenes. Et semblablement une paille d'arain en une maion au pont Donaisillé. Lequel Landry en jugement a confessé led. cas pour ce que nous constituons plusieurs chouses pour certaines causes qui nous ont meu. A ce faire avons le cas dud. Landry qui est cas criminel mis en cas civil et l'avons condampné es amendement de la court que nous avons tauxé pour sa pouvreté a la somme de trente solz et a servir les maczons au chastel de monseigneur pour l'espace de quinze jour …. 30 s.

[f. 86] 1er décembre 1472 :

Colin Burgault pour deffault de terme o jugement de court general en cours et receveur procureur vers le procureur de la court que durant la guerre et occupation des Bretons estant en la ville de Domfront, il cestoit adhéré avecques eux et leur avoit promis mectre hors des prisons de Lassay sans le consentement des gens de guerre estans de par le roy o chastel dud. lieu de Lassay et pour ce faire avoir eu et receu desd. Bretons la somme de 12 écus et depuis a esté présenté led. Colin Burgault lequel pour finance de ces et en estre envoyé sans jour en lad. cause eu regard a sa ? et aussi pour finance et deffault a faire es amendes de la court …….. 30 s.

Transcription : Théo Ben Makhad, Marion Seure.

[f. 61v] De vous tres hault et puissant prince Monseigneur Charles d'Anjou, conte du Maine, de Guyse, de Mortaing et de Gien, viconte de Chasteauleraut. Je, Jehan de Vendosme, vidame de Chartres, seigneur de La Chartre sur le Loir et de Laczay, congnoys tenir a une foy et hommaige lige mes chasteaulx et chastellenies desdiz lieux de La Chartre et de Laczay avecques leurs appartenances et deppendances, desquelles la declaracion plus aplain cy apres sensuit. Et premierement des dommaines de ladicte chastellenie de La Chartre, cestassavoir mon chastel dudit lieu les motes d'environ, baille et foussez et cervitudes d'icelles ainsi comme ils se poursuivent. […]

[f. 63v] Cy apres s'ensuit la declaracion de madicte chastellenie de Laczay, laquelle semblablement avoue a tenir de vous très hault et puissant prince Monseigneur Charles d'Anjou, conte du Maine au regart de vostredit conté du Maine.

Premierement, les dommaines de madite chastellenie, le chastel, basse court, dangeon, baile et foussez d'environ, ainsi comme ils se portent avecques deux estangs sis aupres dudit chastel, dont l'ung est appellé le grant estang dudit lieu, et l'autre Barbot.

Item deux autres estangs en ladite chastellenie, dont l'ung est appellé l'estang d'Engleterre et l'autre Behart.

Item quatre places de moulins a blé dont les deux sont sises au dessoubz et aupres dudit grant estang dudit lieu de Laczay, et les autres au dessoubz de l'estang d'Engleterre.

Item la forest de Hardenge avecques deux autres boys appellé Le Bas Boys et La Frete, ny en laquelle forest de Hardenge plusieurs de mes hommes ont droit de usaige et feaige, cestassavoir de prandre boys a leurs neccessité cy icelle, ainsi et par fournie et maniere qu'ilz ont acoustumé faire, et esdiz Bas Boys et La Ferté, ny ont lesdiz [F. 64v] faicz aucune congnoissance de usaige, mais sont et me appartiennent seulz et pour le tout, en laquelle forest et boys dessusdits, et es suis et mectes d'icelle, j'ay garenne deffenssables, droit de chacer, et prandre bestes sauvaiges rouges et noires, sans ce que autres y ait que veoir, ny que congnoistre avecques le droit de forfaitures et aventures cielx comme moy et mes predicesseurs ont acoustumé a prendre et avoir es boys et forest dessusdiz.

Item ay aupres et joignant de ladite forest, landes, bruieres et grant estandue de pais gast, esquelles choses plusieurs de mes hommes et subgietz ont droit de feaige et usaige.

Item la provosté dudit lieu de Laczay, avecques le droit de foires et merchés, coustumes, trespas, branches et acquitz et peaiges que j'ay audit lieu de Laczay et es branches et deppendances de ladicte provosté, forfaictures, aventures, appartenances a icelle, avecques les places des halles de ladicte ville ; lequel droit de provosté, foaires, marchez, acquitz et droit de peaige, peut bien valoir chacun an cent livres, et de present sont baillez a ceulle ferme.

Item les seaulx tabellionnaige contractez que j'ay en ladite chastellenie avecques le prouffit du merc, des actes et proces de la court et juridicion dudit lieu de Laczay qui peut bien valoir par an dix livres.

Cy apres s'ensuit la declaracion des cens que j'ay en ladite ville et chastellenie.

Premierement mes subgietz et demourans en ladite ville de Laczay me sont tenuz faire par chacun an au jour de la Toussains par raison des choses qu'ilz tiennent de moy en ladicte ville cent soulz de cens.

Item me doivent et sont tenuz paier plusieurs personnes des parroisse du Horp et de Champeon par chacun an au terme de l'Angevine quatre livres douze soulz huit deniers tournoy de cens.

Item le seigneur du Horp soixante soulz tournoy de cens au terme de la Toussains.

Item mes hommes et subgietz de ladicte ville de Laczay me sont tenuz paier par chacun an vingt livres tournoy de taille, appellé taille a avis, laquelle taille est assise et distribuée par chacun an par troys ou quatre personne de la ville, jurez et commis par le sergent de la ville adce faire sur chacun d'icelx subgietz selon la puissance et faculté d'iceulx.

Item sensuivent cy apres les hommes de foy que j'ay en ladite chastellenie avecques les certes cervices et devoirs qu'ilz me sont tenuz faire par chacun an par raison des choses qu'ilz tiennent de moy en ladite chastellenie a foy et hommaige.

Et premierement Monseigneur Jehan de Champaigne, homme de foy lige [F. 65] a cause et par raison de certains deniers, feaige et seigneurie qu'il a en madite chastellenie lesquelles choses partirent de la terre de Basailles par raison desquelles choses il m'est tenu faire par chacun an cent six soulz huit deniers tournoy de taille.

Item le seigneur de Marcillé, homme de foy lige a cause et par raison de sa terre du Han et des appartenances d'icelle par raison desquelles choses il m'est tenu faire par chacun an dix livres treze soulz de taille a ladite feste de l'Angevine.

Item ledit seigneur de Marcillé une foy et hommaige lige a cause et par raison de la sergenterie faite qu'il a en ladite chastellenie de Laczay et du fief de Lamboul.

Item messire Geffroy des Vaux une foy et hommaige lige a cause et par raison de ses terres du Horp et de Couterne et des appartenances d'icelluy pat raison des quelles choses il m'est tenu fere par chacun an trente une livre cinq soulz au terme de l'Angevinne, c'est assavoir vingt cinq livres a cause de ladite terre du Horp et cinq soulz, et cinq soulz et a cause de ladite terre de Courterne six livres.

Item le seigneur de Saint Lou une foy et hommage lige pour raison de sa terre de Sainct Lou et des appartenances d'icelle par raison de laquelle il m'est tenu faire par chacun an sept livres quinze soulz tournoy de taille a ladite feste de l'Angevine.

Item le seigneur du Fresne foy et hommaige lige par raison des choses qu'il tient de moy en ladite chastellenie, par raison desquelles il m'est tenu faire par chacun an au terme dessusdit vingt et huit soulz tournoy de taille.

Item le seigneur des Hayes foy et hommaige lige par raison de son habergement et dommaine de Hayes et des appartenances et deppendances d'icelui par raison desquelles choses il m'est tenu faire par chacun an au terme dessusdit cinq souls de taille.

Le seigneur de Landerepouste homme de foy lige par raison des choses que feu Guillaume de Landerepouste son predecesseur aquist et traisit a soy de la terre du Fresne, par raison desquelles il m'est tenu faire par chacun an saize soulz tournoy de taille au terme dessusdit.

Item le seigneur d'Autheville homme de foy lige par raison et a cause des choses qu'il tient de moy en ladite chastellenie nommez et appellez Les Rere fiefz de Courceserres et par raison d'icelles choses m'est tenu faire par chacun an seize livres tournoy de taille au terme dessusdit.

Item le seigneur d'Autheville homme de foy lige par raison de sa terre du Tennet sis en ladite chastellenie par raison de laquelle il m'est tenu faire par chacun an au terme dessusdit cinquante soulz tournoy de taille.

Item messire Guillaume d'Orenge, seigneur de Perray, homme de foy lige par raison de son habergement dommaine et appartenances du Perray par raison desquelles choses il m'est tenu faire par chacun an six soulz tournoy de taille.

Item le seigneur de l'abbaye sur Coulmont homme de foy lige par raison de la terre de Monfouquaut pourtant qu'il tient [F. 65v] et possede d'icelle sise en ladite chastellenie d'icelle par raison de laquelle il m'est tenu faire par chacun an au terme dessusdit quarante cinq soulz tournoy de taille.

Item le seigneur de Lapalu foy et hommaige lige par raison et a cause de sa terre Connerson par raison de laquelle il m'est tenu faire par chacun an au terme dessusdit vingt soulz trois deniers de taille.

Item le seigneur de Monfouquaut foy et hommaige lige a cause et par raison du habergement, dommaine et appartenances de Monfouquaut par raison desquelles choses il m'est tenu faire par chacun an au terme dessusdit vint soulz troyz deniers.

Item le seigneur du Boys Thibault foy et hommaige lige a cause et par raison de son habergement dommaine et appartenances du Boys Thibault de sa terre de Tessé et des appartenances d'icelle, et generalement de toutes les choses qu'il tient en madite chastellenie par raison desquelles choses il m'est tenu faire par chacun an au terme dessusdit treze livres neuf soulz tournoy de taille.

Item messire Macé de Mongons foy et hommaige lige par raison du dommaine de la Rocherie et des appartenances et deppendences d'iceluy par raison duquel il m'est tenu faire par an au terme dessusdit quatre deniers tournoy de taille.

Item le seigneur du Boys Rout foy et hommaige lige par raison de son habergement, dommaine, terres et appartenances du Boys Rout par raison desquelles choses il m'est tenu faire par chacun an au terme dessusdit de quarante soulz tournoy de taille.

Le seigneur du Bois Thuebeuf foy et hommaige lige par raison de la terre du Bois Thuebeuf et des appartenances d'icelle par raison desquelles choses il m'est tenu faire par chacun an au terme dessusdit cent soulz tournoy de taille.

Item Jehan D'aron foy et hommaige lige par raison du droit qu'il a en la foire du Gast et des appartenances par raison duquel il m'est tenu faire par chacun an au terme dessusdit troys soulz tournoy de taille.

Item messire Juhes d'Avangour foy et hommaige lige par raison de sa terre de Coulonches et des appartenances d'icelle par raison de laquelle il m'est tenu faire par chacun an au terme dessusdit une paire de gans de service.

Le seigneur de Fronlay foy et hommaige lige a cause du droit qu'il a en la foire de Sainct Gervese d'esté.

Item le seigneur de la Vairie foy et hommaige a cause de certaines choses sises en ladite chastellenie par raison desquelles choses il m'est tenu faire par chacun an au terme dessusdit une paire de gans de service.

La femme feu Gervaise de la Vairie une foy et hommaige lige par raison des choses qu'elle tient en la paroisse de Courberie.

Item le seigneur de La Mote de Mehoudin une foy et hommaige a cause et par raison du habergement, dommaines, [F. 66] terres et appartenances de La Mote de Mehondin, par raison desquelles choses il m'est tenu fair par chacun an au terme dessusdit dix huit livres tournoy de taille.

Item le viconte de Beaumont une foy et hommaige lige par raison de sa terre d'Averton pourtant qu'il en a sis en ladite chastellenie par raison de laquelle il m'est tenu faire au terme dessusdit treze soulz deux deniers tournoy de taille.

Item le seigneur de Nuillé une foy et hommaige lige par raison et a cause de sa terre de Nuillé et des appartenances d'icelle par raison de laquelle il m'est tenu faire par chacun an au terme dessusdit cinquante soulz tournoy de taille.

Item le seigneur de La Roche une foy et hommaige lige par raison de la terre de La Roche et des appartenances d'icelle par raison de laquelle il m'est tenu faire par chacun an au terme dessusdit quatre livres douze soulz tournoy de taille.

Item le seigneur de Chantepie une foy et hommaige lige par raison de sa terre de Chantepie et des appartenances d'icelle par raison de laquelle il m'est tenu faire par chacun an au terme dessusdit ving soulz tournoy de taille.

Item le seigneur de Gahigné une foy et hommaige lige par raison de sa sergenterie faiel qu'il a en ladite chastellenie de Laczay et de ses prouffiz, rentenues, et esmolumens d'icelle et autres choses par raison desquelles il m'est tenu faire par chacun an au terme dessusdit vingt quatre soulz tournoy de taille.

Item le seigneur de La Lande une foy et hommaige lige par raison de la terre de La Lande et des appartenances d'icelle par raison de laquelle il m'est tenu faire par chacun an au terme dessusdit soixante soulz tournoy de taille.

Item le seigneur de Genelay une foy et hommaige lige a cause et par raison de sa terre de Genelay et des appartenances d'icelle par raison de laquelle il m'est tenu faire par chacun an au terme dessusdit cinq soulz tournoy de service.

Item messire Ambroys de Fouillée une foy et hommaige lige a cause et par raison de sa terre de Mehoudin et des appartenances d'icelle par raison de laquelle il m'est tenu faire par chacun an au terme dessusdit quatre livres de service.

Item le seigneur de La Craipilliere une foy et hommaige lige par raison dudit lieu de La Craippeliere par raison de laquelle il m'est tenu faire par chacun an au terme dessusdit treze soulz troys deniers tournoy de taille, lesquelx subgietz et hommes de foy dessusdiz et chacun d'iceulx me sont tenuz faire par raison des choses dessusdites et de chacune d'icelles plege et gaige droit et obeissance tailles jugees quant elles adviennent et escheent selon la coustume du pays, et ay droit d'avoir en et sur lesdictes choses et sur chacune d'icelle prinse vengeance reliefs, rachatz, forfaictures et aventures droiz de seigneurie et de justice cielx comme homme de foy et de fie [F. 66v] avoir sur ses subgietz de fief et de foy lige et selon la coustume et usaige du pays.

Cy apres s'ensuit la declaration de plusieurs devoirs et servitudes que me doivent plusieurs personnes en ladite chastellenie par raison et a cause des choses qu'ilz tiennent de moy.

Les tenans et pourseans du moulin Forel par raison et a cause d'yceluy moulin six livres huit soulz ung denier de taille.

Le prieur de Javron dix livres au terme de Panthecouste et de la Toussains par moitié.

Item Jehan Ratier quarante soulz tournoy au terme de l'Angevine et de la Sainct Hillaire par moitié.

Item les tenans et possidans du fief aux Bingnons onze soulz tournoy au terme de l'Angevine.

Item les hommes pritevin (?) dix huit deniers tournoy au terme dessusdit.

Item les hoirs au Pelé six soulz tournoy audit terme.

Item Jehan Mergerie quarante soulz tournoy audit terme.

Item ledit Mergerie quarante soulz au jour de la Toussains.

Item le seigneur du Boys Thibault une livre de cire au jour de la Sainct Lucas.

Item ledit seigneur du Boys Thibault douze deniers au jour de la Sainct Pere.

Item les tenans et possedans des foussez de Laczay vingt et cinq soulz quatre gelines, deux chappons audit terme de l'Angevine par raison desdiz foussez.

Item les hommes tropsaille neuf soulz au terme de Nouel.

Item les hommes Guillaume le Feure cinq soulz deux gelines au terme de la Toussains.

Item Guillaume Mothe et Guillaume le Roux deux soulz six deniers a ladite feste.

Item Robin Boisverdoust et Jehan Julliart deux soulz six deniers au terme dessusdit.

Item Philipot Arondel et Guillaume Dudeffays quatre livres quinze soulz au jour de la Chandelour.

Item le seigneur du Perray trente soulz au terme dessusdit. Item Guillaume de Viexmont pour le four a ban et place de ladite ville trente soulz au terme dessusdit.

Item Guillaume le Biteux dix soulz au terme de la Sainct Berthelemy.

Cy apres s'ensuit la declaracion des paires de gans que me sont tenuz faire plusieurs personnes de leur usaige et feaige qu'ilz ont en ladicte forest de Hardenge.

Premierement la dame de La Chappelle comme bail de ses enffant une pere de gans au terme de l'Angevinne.

Le seigneur de la Tacegne une pere de gans au terme dessusdit.

Item le seigneur de Marcillé une paire de gans au terme dessusdit.

Item le seigneur de La Boaerie une pere de gans au terme dessusdit.

Item le seigneur du Horp une pere de gans au terme dessusdit.

Item le seigneur du Perray une pere de gans au terme dessusdit.

Item les faires et usaiges de ladite forest des landes, pastures et communes d'environ me sont tenuz faire par chacun an chacun estager ung boessel de saigle au terme [F. 67] de la Toussains par raison de leur droit de usaige et feaige qu'ilz ont en ladite forest des landes, pastures et communes d'environ qui vallant en nombre 120 bouesseaux de saigle.

Item Robin Malindre une paire de gans au terme de l'Angevine.

Item le droit de disme que j'ay au Horp qui peut bien valloir pour chacun an an huit sextiers de blé moitié, saigle moitié, avance a la mesure dudit lieu de Laczay.

Item au droit d'avoir et aivoy appartient a cause de ladicte terre toute justice haulte, moyenne, basse avecques tout ce que en deppend ou peut dependre forban et rappel, droit de remettre et pardonner, congnoissance de grans chemins, droiz de mesure, forfaictures au venaiges et aventures, droiz de seigneurie et de souverainete, libertes, noblesses, prerogatives et preeminences comme achastellenie, appartient et doit appartenir selon l'usaige et coustume du pays.

Et par raison des choses cy dessus exprimées et declairées, vous doy et suis tenu faire a avenant quarante jours de houst pour voz servir en vostredit conté du Maine, deux chevalliers en ma compaignie quant besoing et neccessite en est. Et avecques ce, vous doy et suis tenu paier par raison et a cause des choses dessusdites une pere d'esperons dorez une foiz l'an quant ilz me sont devenient et advenamment et emous. Et en oultre congnoys que mes predicesseurs soulloient faire a voz predicesseurs cinquante livres tournoy de taille par chacun an, lesquelx voz predicesseurs donnerent et transporterent aux chanoines du Gué de Maulny et et avecques ce par raison desdictes choses vous doy pleige et gaige droit obeissance telle comme homme de foy lige doit et est tenu faire a son seigneur de fief et de foy lige. Sauf et retenu a moy a vous exprimer et declairer les choses dessusdites plus applain touteffois que mestier sera. Et par ceste fourme et maniere tres hault et puissant prince je vous rens par advou. O portes canons et expresse retenue faicte de moy que ou cas qu'il serait trouvé par advou ou advonz baillez de mes predicesseurs aux vres an aux termes devenuent que autres ou plus grans chose il teinsse ou deusse tenir de vous que les choses cy dessus exprimers et declairees je ne m'en desavoue en riens aviczoys m'en advoue a vous ou que plus grans certes servitudes, redevances et obeissances vous en fussent deues je ne les vous deuye ne contredy en riens mais les vous vueil faire et coutumer moy offrant a vous faire foy et serment que cy dessus sont declairees les choses que je tiens de vous et [F. 67v] les terces devoirs et obeissances que je vous en suis tenu faire selon ce que je m'en suis peu enquerre et en ay fait dilligence parfaicte et ceste protestacion et offre de service je vous fays affin qu'il ne puisse ou doye estre imputé contre moy de vous avoir autrement que rendu par adveu et a plus grant confirmation de ce, et en tesmoing de verité j'ay scellé cest present advou de mon propre scel d'armes et saing manuel le jour de nostre damme chandeleur mil quatre cens cinquante deux. Ainsi signé Jehan de Vendosme.

Et au dos dudit adveu est escript ce qui s'ensuit

Presenté en court a l'assise du Mans tenue par maistre Jehan Fournier juge ordinaire du Mans le 8e jour de mars l'an 1454 par Martin Segrayes procureur du seigneur de Laczay nommé au blanc par la mence dud. Lassay a les protestacions dedens coutenus ainsi signé

Extraits concernant les travaux au château et aux moulins, ainsi que la vie de la seigneurie

1485-1489

[f. 3] Jacques de Vendôme, vidame de Chartres, prince de Chabanais, de Thiffauges, Pousauges et de Lassay. Jehan Poisson, chastellain et [effacé] aud. lieu de Lassay … pour 4 années entières et parfaictes … 1585-1589

Recettes :

[f. 8] Foire du Gast …. 110 l.

[f. 8 v] Prouffit et revenu des bois de Hardanges ….. 32 l.

Forest et bois …. 16 l.

Revenu de la pesche tant du grant estang de Lassay, de l'estang de Barbot que d'Engleterre, que de l'estang de Behart, nos compte rien en ceste presente année 85 mais son chargera en l'année ensuite

[f. 9 v] Ledit receveur soy chargé avoir receu du seigneur de Boisthibault du commandement de monseigneur la somme de 1100 l. t. en quoy il avoit esté condampné versé mond. seigneur par arrest donné en la cour de parlement pour ce … 1100 l. t.

Dépenses :

[f. 11 v] Led. receveur a envoyé a mond. seigneur par Jehan Maignien sergent de Lassay la somme de 20 l. aussi pour la deppence que led. seigneur a faicte des oyseaux qu'il aporte, la somme de 100 sols que appert dud. mandement et quictance signee de mond. Seigneur dabtée du 20e jour de juillet l'an 1488 … 25 l.

[f. 12 v] Autre mise faicte par led. receveur touchant la reparation des moullins et autres en nom et pour mond. Seigneur

Led. receveur dit avoir paié a Janin Loret et Guillaume Lerbet maczons pour avoir reparé les portes de la chaussée du grant estang la somme de 30 s. en la presence du cappitaine … 30 s. [biffé]

A Jehan Drouet et son varlet pour avoir esté avec lesd. maczons a la reparation des portes … 6 s.

[f. 13] A Janin Loret Lerbet et Guillaume Canu maczons pour ung pignon qu'ils ont ? et ung ? de l'autre cousté pour journée et despens … 20 l.

Item pour le vin de marché fait avec led. maczon et en la presence du cappitaine … 3 s.

A Jehan Forget pour avoir fait une ferrure de fenestre en la tour du dessus le moullin par marché fait avecques lui en la présence du cappitaine … 40 s.

A Jehan Puigault charpentier pour avoir fait la charpenterie des moullins non comprins la charpenterie de dessus la roe pour ce pour journée et despens la somme de 12 l. pour ce … 12 l.

Aux charretiers qui ont admené le bois a la reparacion dud. moullin pour leurs despens pour dix hernois ou il avoit a chacun hernois trois hommes … 30 s.

[f. 13v] Led. receveur dit avoir esté jusques a Caen pour estre aller achater des meulles qui sont ausd. moullins et y fut par l'espace de 5 jours l'un tiers tant a aller secourver [?] pour achater et choisir lesd. Meulles lui cousta en despens et presences de chevaulx besinart et Jehan Maignen … 4 l. 10 s.

Pour lachat desd. meulles prinses sur le lieu qui cousterent la somme de 42 l. pour ce et pour Lesmart et Maignen

Pour le vin a celx qui font lesd. Meulles dont il [sic] demandent 12 d. pour chacune livre aussi pour celui qui les choisit la prime de 40 s. comprins les acquiz cy dessus … 40 s.

Pour avoir percé lesd. meulles pour le maczon par marché fait avecques lui la somme de 30 sols pour ce … 30 s.

[f. 14] Pour lamenaige desd. meulles par marché avec ung homme du pais dud. lieu de Caen a la somme de 20 livres en livres tournois ses despens, il rendit lesd. meulles au lieu de Lassay tant pour lui que chevaulx laquelle deppence est 28 s. somme toute … 21 l. 8 s.

Item a ung nommé Raoullet Ges tant pour aller au lieu de Caen et conduyre lesd. chartiers qui ameneroient lesd. meulles … 20 s.

Pour les hommes qui conduisirent lesd. meulles pour leur deppence de bouche et estoient a chacune meulle cinq hommes et furent admenées lesd. meulles lune apres lautre 8 jours entre deux … 25 s.

Pour la deppence de 10 chevaulx qui admeneront lad. meulle pour ce … 20 s.

Pour les maczons et celx qui assidrent lesd. meulles pour leur deppence faicte … 7 s. 6 d.

[f. 14 v] A Guillaume Canu et a ung nommé Boudye pour avoir reparé la chaussée de Barbot et une bresche a l'eschanceau du grant estang pour journée et despens … 30 s.

Pour ung millier de late a metre aud. moullin qui couste … 27 s. 6 d.

Pour l'achat de quatre milliers de tuille a mectre sur led. moullin qui cousterent sur le fourneau … 4 l. 10 s.

Pour 8 hernois qui admenerent lad. tuille pour chacun hernois pour journée et deppens chacun hernois 8 sols pour ce pour 8 hernois … 64 s.

Pour les couvreurs qui ont couvert les moullins … 60 s.

[f. 15] A Guillaume Canu maczon pour avoir fait l'assiete et dressé et esgalle desd. meulles et refait une bresche aud. moullin foullerez pour une autre bresche au moullin blairez pour toute chose … 42 s. 6 d.

A Thibault Bencart pour avoir fourny de fer pour reparacion desd. moullins la somme de … 4 l. 6 d.

A Jehan Forget pour avoir emploié led. fer et fait les ferreures dud. moullin la somme de … 10 l. 7 s.

[f. 15 v] A Jehan Aubert cordier pour avoir fait un cable a couscher et lesd. meulles… 35 s.

A Jehan Cosnart moulinier pour avoir vacqué aud. moullin par l'espace de 4 jours a faire mouldre led. moullin pour deppens et journée … 15 s.

A Jehan Puigault charpentier pour avoir couvert la roe dud. moullin et pour ralonger la charpenterie … 40 s.

Total fait de la réparation des moulins : 140 l.

[f. 16] A Pierre Latete pour avoir scommé, secouru, couvert la chaussée de l'estang d'Englaine et couvert par pres la bonde pour journée et deppens la somme de 15 s.

Led. receveur a paié au charpentier qui a fait le pont du davant du boullevert du chasteau tant pour lui que pour son varlet pour journée et deppens la somme de … 16 s.

Led. receveur demande descharge de 10 sols qu'il baille pour faire la deppence et pour admener le president general depuis le Mans jusques a Lassay pour mectre a execution larrest qui fut donné contre le seigneur du Bois Thibault lesquelz il baille au bailly … 100 s.

[f. 16 v] Led. receveur a paié pour la deppence de mon seigneur et de ses gens pour ce qu'ilz ont esté a Lassay depuis le 20e jour d'aoust 1488 jusques au 5e jour de septembre celui an se monte comme appart soubz le seing du maistre d'ostel la somme de 94 l. 14 s. 2 d.

Item plus celui jour led. receveur a baillé aud. maistre d'ostel la somme de 110 l. t. comme par quictance appert signé dud. maistre d'ostel pour ce … 110 l.

Led. receveur a paié a Louys Thamot par le commandement de monseigneur et comme appert de quictance cy rendue la somme de 59 l. pour ce … 59 l.

[f. 17] Plus a paié led. receveur pour la reparacion du pont de la prisonyere a baillé led. receveur aux ouvryers qui l'ont repparé dont monseigneur doit faire la moitié et les seigneur de Couppetren l'autre moitié … 8 l. 16 s. 2 d.

Plus pour la reparacion du pont de Vaubonnet …

[f. 19] Led. recepveur compte pour un cent de peuple qu'il achapta de Theribon Laigneau en la presence de Loys de Quince qui fut mis au grant estang et luy cousta … 25 s.

1489-1490

[f. 24] Jacques de Vendosme, vidame de Chartres, prince de Chabenais, Pouzauges et de Lassay ; Jehan Poisson, chastellain et receveur aud. lieu de Lassay au nom et pour mond. seigneur cest assavoir depuis le 15e jour de juillet 1489 joucques au premier jour de may en lan 1489

Recettes :

[f. 24 v] Led. receveur compte de recepte de denrées des acquetz faiz par feu messire Jehan des Vaux et dame Jehanne de Vendosme comme apert par les comptes precedents la somme de … 75 s. 2 d.

Le recepveur compte avoir receu de Estienne de Couterne seigneur de la Bare a cause du moulin Sorel la somme de 50 sols pour ceste presente année escheue au jour de l'angevine … 12 l. 10 s.

Ung jardin et place sis pres de l'estang Barbot

Plus led. chastellain et recepveur comptera a ces prochains comptes 5 sols de cens que Jehan pour la place du four a ban de la ville …

[f. 25] moulins foullerez, blairez et a tan : 17 l.

Recettes de la foire du Gast : 123 l.

1492-1493

A tres hault et tres puissant seigneur monsieur Jacques de Vendosme, vidame de Chartres, prince de Chabenoys, seigneur de Thiffauges, Poussauges et de Lassay, Pieres de Lahare, receveur et chastellain [biffé] aud. lieu de Lassay pour et au nom de Mond. seigneur pour une année …1492-1493

Recettes :

[f. 9] Foire du Gast … 147 l.

Ferme des moulins blarez, foullerez et a tan … 58 l.

[f. 9 v] Au prouffit et revenu des estangs et de la pesche d'iceulx, led. receveur nen compte rien pour ce qu'ils n'ont point este peschés en l'an de ce present compte …

[f. 10] Foresterye de la Frete et boys de Hardenges ... 34 l.

Dépenses :

[f. 20] Ledit receveur soy chargé avoir payé a ung nommé Housseau pour la maçonnerie du Pont de Javron la somme de 110 sols ainsi que appert par marché passé par Jacques Pourcé…. 110 s. 4 écus

Ledit receveur dit avoir payé a Guillaume Jolis pour admeuner ung muy de chaulx pour led. pont la somme de …… 20 s.

[f. 20 v] Ledit receveur dit avoir payé pour ung tonneau et une paire de conpletz de fer aud. tonneau pour mener du peuple a l'estang d‘Engleterre ….. 5 s.

Led. recepveur dit avoir payé au chartier qui mena led. peuple la somme de …….. 3 s.

Led. recepveur dit avoir payé a Jehan Laigneau pour ung carteron de peuple qui a esté mis au grant estang de Lassay la somme de ………… 13 s. 6 d.

Led. recepveur dit avoir payé pour la deppence de Jehan Amy qui estoit venu a Lassay pour faire memoires pour envoyer a Paris pour articuler contre les vayers [?] tant pour luy que ses chevaulx la somme de … 5 s.

Led. recepveur dit avoir payé a Jehan de Boullay cannonnier la somme de 4 livres restans de 20 livres que monseigneur luy avoit ordonné …… 4 l.

Led. recepveur dit avoir payé a Jehan Amy la somme de 6 livres tournois que monseigneur luy avoit ordonné pour estre aller et venir à Tours ainsi qu'il appert par mandement de monseigneur et quictance dud. Amy pour ce … 6 l.

[f. 26] Led. receveur dit avoir payé a ung nommé Adam Boullet lequel monseigneur le maistre envoya de Chabenois a Lassay pour les affaires de monseigneur la somme de 35 s. ainsi qu'il appert par mandement et quictance … 35 s.

Led. receveur soy chargé avoir payé a Anthoine de Vieuxpont Estienne, la somme de 100 livres a luy deu par assignation que monsieur luy a porté du terme de Penthecoste d'avance passé ainsi qu'appert par quictance signé dud. Vieuxpont daptant du 3e jour de novembre l'an 1493, pour ce … 100 l.

1493-1494

[f. 26] C'est le compte que rend a tres hault et puissant seigneur monseigneur Jacques de Vendosme vidame de Chartres, prince de Chabannes, sieur de Thiffauges, Poussauges et de Lassay, Pieres de la Haye, receveur aud. lieu de Lassay pour et au nom de mond. seigneur pour une année entière et parfaite commençant le premier jour l'an 1493 et finissant a semblable jour 1494

Recettes :

[f. 30] Autre recepte au courant de la chandeleur

Jehan Deffays pour le moulin blarez … 4 l. 15 s.

[f. 31] Au prouffit et revenu de la foire du Gast pour l'an de ce present compte baillée à Michel René comme plus offrant et encherisseurs la somme de … 142 l.

Au prouffit et revenu de la ferme des moulins blarez, foullerez et a tan bailli a Colas Thomyn que plus ouffrant et encherisseur … 58 l.

[f. 31 v] Rien pour la pesche des estangs

Foresterie : 34 l.

Bail des bois : 35 l.

1497-1498

[f. 1] C'est le compte que rend a tres hault et puissant seigneur monseigneur Jacques de Vendosme, vidame de Chartres, prince de Chabenoys, seigneur de Thiffauges, Poussauges et de Lassay, Pierre de la Haye, faisant la recepte au dit lieu de Lassay pour et au nom de Jehan Poisson, chastellain et receveur pour mond. seigneur pour une année commenczant le premier jour de may l'an 1497 et finissant a semblable jour 1498

Recettes :

[f. 10 v] Revenu de la foire du Gast : 100 l.

Du prouffit et revenu des moullons blairez, foullerez et a tau baillez et livrez a Estienne Laigneaux comme plus ouffrant et donant encherisseur a la somme de 30 l. 9 s.

Du prouffit et revenu des sceaulx ( ?) pour l'an de ce present compte baillez a Guillaume Jacques comme plus offrant a la somme … 4 £ 7 s. 6 d.

[f. 11] Du prouffit et revenu des chefs d'œuvres de la foire du Gast baillez a Jehan Lemaignen comme ouffrant et encherisseur a la somme de … 60 s.

Du prouffit et revenu des aulnaiges, meres et mesures tant a blé que a vin baillez et livrez a Michel Legrouy comme plus ouffrant et darrain encherisseur a la somme de … 40 s.

Du prouffit et revenu des estangs et de la pesche diceulx led. recepveur compte seullement de la pesche de l'estang de Behart obstant que les autres nous pouvoir estre peschés. Lequel a esté vendu a Michel Proudonme comme plus ouffrant et darrain en cherisseur … 35 l.

Dépenses :

[f. 21 v] Led. receveur dit avoir payé a Jamyn Loret et Guillaume Canu maczons qui font les foussez du boullevert du chasteau de Lassay la somme de … 60 l.

[f. 23] Led. receveur dit avoir payé a Jamyn Loret maczon pour avoir rabillé une breche qui estoit rompant en l'eschaussée contre les portes du grant estang devans, et aussi pour avoir rabillé le pont de Vaubouart [?] qui estoit depece la somme de 10 st. Tant pour chaulx que pour despence … 40 s.

Led. receveur dit avoir payé a Enry Ogier pour avoir fait faire le pont leveys du chastel de ceans la somme de … 40 s.

Ledit receveur dit avoir payé a Jehan Forget marechal pour avoir fait les ferrasses dudit pont … 12 s. 6 d.

[f. 23 v] Ledit receveur dit avoir payé aud. Forget pour avoir fait une greille de fer a l'une des chambres du chastel et pour une cheigne de fer aud. pont … 70 s.

Ledit receveur dit avoir payé à Jamyn Loret pour avoir remaczonné et reparé le pié des tours du chastel devers lestang de Barbot ou leau les avoit mynées et pour fournir de chaulx et sablon la somme de … 70 s.

Led. receveur dit avoir envoyé led. Loret maczon Jehan Maignen avecques deux chartiers ou moys de juillet d'an passé pour abillez lestang d'Englaine qui s'entouroit ou ils furent par deux jours dont il a payé tant pour despence que journée … 10 s.

[f. 25] Led. receveur dit avoir payé a ung nommé Jehan Puigault charpentier pour avoir fait ung rouet neuf au moullin blairez … 35 s.

Aveu rendu par Louis de Madaillan, entre 1647 et 1672 :

[…]

Ma ville et chasteau dud. Lassay basty sur ung roc environné d'estangs hors des costés de lad. ville. Il est point separé seullement des fossé et le dit chasteau consistant en huit grosses tours, rondes macicolisées esloignées l'une de l'autres de qques distances toutes ensembles par des courtines aussy macicolisées le tout de forme et figure d'un octogone et ayant en une des faces un corps de logis neuf par moy fait construire, la couverture d'icelluy estant d'ardoize garnie de plomberie et au devant de laquelle est une maniere de fer a cheval faisant l'entrée du mond. chasteau et un pont levis a l'entrée du boulevard qui fait la 1ere cour et autre pont levis a l'entrée de celle dud. chasteau entourée de huit tours

[…]

Aveu rendu par Louis Léon Félicité de Brancas, comte de Lauraguais, 1756 :

[…]

Ma dicte ville dud. Lassay, au haut de laquelle et à un bout d'icelle est un ancien chasteau bati sur un roc environné d'étangs, hors du costé de la dite ville à laquelle il est joint, un fossé seulement entre deux, et au devant de l'entrée dud. chasteau est une place nommée vulgairement le boil, et le dit chasteau consistant en 8 grosses tours rondes, assez hautes, toutes massicolisées, éloignées les unes des autres de quelques distances et jointes ensemble par des courtines aussi massicolisées de forme et figure d'un octogone ayant à une des faces un corps de logis moins ancien que ledit château et fait construire depuis environ cent ans, la couverture d'icelui etant d'ardoise et garnies de plomberie, au devant duquel est une manière de fer à cheval faisant l'entrée de mond. chasteau, avec un pont de pierre construit depuis 20 ans en la place du pont levis qui y était et précédemment et avec droit de pont-levis à l'entrée de la grande cour d'icelui entourée desd. tours.

Item la prison et conciergerie servant a la garde des prisonniers

Item mes halles étant au milieu de mad. ville dans lesquelles sont plusieurs boutiques, tant par dehors que par dedans icelles, construites pour le trafic des marchands, sous lesquelles halles et à un des bouts d'icelles est l'audience édiffiée pour ma juridiction et au devant d'icelle est une place publique entourée de maisons

Le champ des Gilberts acquise pour l'utilité du commerce, dans laquelle sont mis les bestiaux en temps de foire

Item ma grange nommée la Sebauderie, aussi acquise pour y mettre le bois pour le service de mon four à ban

Item mon four banal composé de deux fours, l'un grand et l'autre moindre

Item un bâtiment édifié depuis environ 40 ans, situé en madite ville de Lassay, joignant ma susdite place nommée vulgairement le boile et servant actuellement de grenier a sel

Item l'étang du moulin et chaussée au dessous de laquelle est bâti un moulin a bled, froment et autres grenier, à deux tournants avec tous les moulaux et sujet en dépendant, proche lequel moulin est une petite maison pour la commodité d'icelui, et trois petits jardins au lieu des deux qui y étoient précédemment

Item autre étang appellé Barbot, à présent en pré, situé derrière mondit château et deux jardins y adjacent, le tout contenant 3 journaux de terre et environ

Tenantes et relevantes et censivement de madite terre et seigneurie de Lassay : toutes les maisons étant dans la ville de Lassay avec leur jardin et pré dans le circuit à l'exception des quelques unes qui relèvent de l'abbaye de Savigné et de la commanderie de Quittay et l'espace de terre dit le fief Fleury situé au bas du champ de foire en madite ville.